နေရာင်ခြည်က လေးဘက်သွားပဲရှိသေးတယ်... ခြံဝန်းအိုလေးထဲက တဲအိုလေးရှေ့မှာလဲ.... မြူနှင်းတွေ ဝေမှိုင်းလို့ပေါ့....အမေအိုကတော့ မီးဖိုလေးကို ကြိုးစားမွှေးနေရင်.. ရေနွေးအိုး ကြို ဖို့လို့လုပ်နေလေရဲ့..... မြူနှင်းတို့ ခပ်သဲသဲ ကြားမှာ ပဲ အိမ်ရှေ့ဆီက ခြေသံသဲ့သဲ့ ကြားလိုက်ရပြန်တယ်... ထွားထွားကြိုင်းကြိုင်းနဲ့ ကြွက်သားတွေ အပြိုင်းပြိုင်းထနေတဲ့ အမေ့သားလေ....လောကဓံကို ထုသားပေသားကျကျ ခံနိုင်တဲ့ အမှတ်လက္ခဏာတွေနဲ့ပေါ့... ။ အမေအိုမော့ကြည့်လိုက်တယ်....

သြော် သား ကင်းတဲကပြန်လာပြီကိုး..
ဟုတ်တယ်...အမေ့ ဒီမှာ ညက ကင်းတဲမှာ မီးဖိုတာ ပိုတဲ့ ထင်းတုံးတွေ အမေ့ မီးမွေးဖို့ ယူလာခဲ့တယ် အမေ... ဆောင်းတွင်း မနက်ခင်းအေးအေးမှာ.. စွပ်ကျယ်တစ်ထည်မှ တပါး ဘာအနွေးထည် ဘာအပိုအင်္ကျီမှ ၀တ်မထားတယ် သားကို ကြည့်ပြီး အမေအို မျက်နှာညှိုးငယ်နေလေသည်။

သား စားဖို့ ညက ထမင်းကြမ်းလေး အမေချန်ထားတယ်သား သားလည်းဆာရောပေါ့ သွားစားလိုက်ပါဦး....ဒီမှာ သားထမင်းနဲ့ မြည်းရအောင် ရေနွေးလည်း အသင့်ကြိုထားတယ်သားရဲ့..... ပါးစပ်ကလည်းပြောရင်းလက်ကလည်း တုန်တုန်ချိချိနဲ့ သားသောက်ဖို့ရေနွေးအိုးကို ချပေးနေတယ်လေ....

သားဖြစ်သူကလည်း...
အမေရော ဘာစားပြီးပြီလဲအမေ ....

အမေလည်း ထမင်းကြမ်းစားပြီးပါပြီ သားရယ်... အဟွက်အဟွက်...

အမေချောင်းတွေလည်း အရမ်းဆိုးနေတာ အမေ့ကို အဲဒါကြောင့်ပြောတာပေါ့... မနက်အစောကြီးထထပြီး မနေပါနဲ့လို့....

သားရယ် အိမ်ထဲမှာနေလို့လည်း ဘာထူးလို့လဲသားရဲ့...

ကောင်းကင်ကို ပကတိ သဘာဝနီးပါးလောက်မြင်နေရသော အိမ်ခေါင်မိုးကို ကြည့်ပြီး သား ဖြစ်သူ သက်ပြင်းလေးကြီးချလိုက်သည်..။

ကဲအမေ သားထမင်းစားပြီးရင် အလယ်ပိုင်းက ရေထမ်းဖို့ရယ် ထင်းခွဲဖို့ရယ်ခေါ်ထားတာ ရှိလို့ သွားလိုက်ဦးမယ်အမေ...

ငါသားလည်း.. ညဘက်ဆို မီးကင်းကို အစားစောင့်ရ.. နေခင်းဖက်ဆို...အလုပ်ကြမ်းတွေလုပ်ရ ကောင်းကောင်းနားရတယ်မရှိဘူး

သြော် ကံကြမ္မာ ကံကြမ္မာ ဘယ်တော့ များမှ ငါတို့ဆီကို မျက်စိလည်လာမှာလဲ ဆိုတာ မသိ ရပါလား.....

အမေရယ် ထမင်းစားပြီး ခံတွင်းချဉ်လိုက်တာဗျာ... ထန်းလျက်ခဲလေးဘာလေးမရှိဘူးလား ဗျာ...

မရှိဘူးသားရယ် အမေစောစောကပဲ ရေနွေးကြမ်းနဲ့ မြည်းလိုက်တယ်...

အင်းပါအမေရာ မနေ့က ဈေးဖက်ရောက်တော့ သဘောင်္သီးကြီးတွေဗျာ ၀င်းမှည့်နေတာများ.. သားစားချင်လိုက်တာဗျာ အခု

လိုထမင်းစားအပြီး စားလိုက်ရ နတ်စည်းစိမ် နဲ့ဘာလဲမလဲဗျာ..သားဖြစ်သူအားရပါးရပြောနေသည်ကို အမေအို

မျက်ရည်တွေရွှန်းလဲ့နေသော မျက်ဝန်းတစုံနဲ့ နားထောင်နေလေသည်။

ကဲ သားသွားလိုက်ဦးမယ်အမေရယ် ညနေအပြန်ကျရင် အမေ့ဖို့ ဆရာမောင်ဆေးနီမှုန်တစ်ထုတ်လောက်တော့ ပါအောင်ဝယ်ခဲ့မယ်ဗျာ..

အမေ့ကျန်းမာရေးကလည်း ကောင်းတာ မဟုတ်ဘူး ပြောပြောဆိုဆိုနဲ့ ထွက်သွားသော သားဖြစ်သူ ကျောပြင်ကို ငေးစိုက်ကြည့်ရင်း

အမေ့အို မျက်ရည် ဖြိုင် ဖြိုင်ကျမိသည်။


ည။

ဒေါင်ဒေါင်.......ဒေါင်
အချိန် ကား 12 နာရီခွဲချေပြီ ဆေးပေါ့လိပ်ကို ဖွာရင်း မီးလှုံနေရာမှာ သား ဖြစ်သူ သံချောင်းကို တီးလိုက်သည်။

ထိုစဉ်မှာပဲ စိုက်ပျိုးရေးခြံ ဘက်မှ အသံကြားလိုက်ရသည်.

သူခိုးဗျိုး ...သူခိုး....

သားဖြစ်သူ သံချောင်းကို ကျစ်ကျစ်ပါအောင်ဆုပ်ပြီး အသံကြားရာဆီသို့ အပြေးသွားလိုက်သည်။

သူခိုးဘယ်မှာလဲ သူခိုးဘယ်မှာလဲ

အေးဒီလမ်းအတိုင်းပြေးသွားတာ ငါတို့လည်း ခြံထဲမှာ လူရိပ်မြင်လိုက်လို့ လိုက်တာ...အခုလိုက်နေတာ


သားဖြစ်သူ သူခိုးပြေးသောလမ်းအတိုင်း ခပ်ပြင်းပြင်းပြေးလိုက်ခဲ့သည်.. တွေ့ပြီး ရှေ့မှာ လူရိပ်တစ်ရိပ် လရောင်အောက်မှာ ၀ိုးတ၀ါး

တရွေ့ ရွေ့သွားနေသည်။ သားဖြစ်သူရော လူအုပ်ရော ပြေးနှုန်းမြင့်လိုက်သည်။ သားဖြစ်သူထိပ်ဆုံးကပင်... လူရိပ်ကို မှီလာသည်။

မှီလာသည်နဲ့ တပြိုင်နက် ဟေ့ကောင် ရပ်စမ်း.... ပြောပြောဆိုဆိုပင် လက်ထဲမှာ မီးကင်းခေါက်သည့် သံတုတ်ဖြင့်

တစ်ချက်လွတ်ရိုက်ချလိုက်သည်။ လူရိပ်အသံပင်မထွက်နိုင်.. စိုက်ကျသွားသည်.။။

မိပြီ မိပြီ ကြည့်စမ်း ကြည့်စမ်း ဘယ်သူလဲဆိုတာ.... သားဖြစ်သူလူရိပ်နား တိုးသွားပြီး ခပ်ကြမ်းကြမ်းပင် ဆွဲလှည့်လိုက်သည်။။။


ဟင်........ဟာ..............အို..............

အမေ...ဟုတ်သည် အမေအိုပင်ဖြစ်သည်။ သူ၏လက်နှစ်ဖက်ထဲတွင်ကား ပုဆိုးနဲ့ ထုတ်ထားသောအရာကို...

ကျစ်ကျစ်ပါအောင်ကိုင်ထားသည်။ လူမှာတော့ မလှုပ်မယှက်..တော့... ။ သားဖြစ်သူ ထိုပုဆိုးနဲ့ထုတ်ထားသော အရာကို... ဖြည့်

ကြည့်လိုက်သည်။ ပုဆိုးကို ဖြည်ကြည့်လိုက်တော့ထွက်လာသည်မှာ..... ၀င်းမှည့်ပြီး အိနေသော သဘောင်္သီးလေး

တစ်လုံး....ဖြစ်နေသည်။.............

တစ်ခုခုတော့ မှားနေတာပါ... ဘယ်သူကမှားတာလဲ ဘယ်သူကမှန်တာလဲ ဘယ်သူဘာတွေ ဘယ်လိုပြောပြော မှားနေတာ တစ်ခုတော့ ရှိနေပါသည်။